Jeta është tmerrësisht absurde dhe këtu qëndron bukuria e saj. Ajo është qesharake dhe këtu qëndron hareja e saj. Ajo ngjason si një lojë dhe është plotësisht joserioze. Me përjashtim të budallenjve, askush tjetër nuk është serioz.
Budallenjtë janë të detyruar të jenë seriozë, përderisa ky është i vetmi mjet për të fshehur marrëzinë e tyre. Njerëzit me arsye e kanë ndjenjën e humorit, kurse budallenjtë nuk janë të aftë të bëjnë humor, sepse kjo ndjenjë kërkon shumë logjikë. Të jesh fatkeq është shumë e lehtë; kushdo është i aftë të bëhet i tillë dhe nuk kërkon asgjë, as arsye, as burrëri. Ja përse në të gjithë botën ka kaq shumë fatkëqij: fatkeqësia është e lirë, nuk kushton asgjë, është falas. Por për të arritur lumturinë, njeriu duhet të flijojë shumë gjëra.
