Ky është një traktat për dashurinë i shkruar mjeshtërisht dhe në mënyrë të thellë nga spiritualisti i madh Osho. Ja se çfarë thotë ai në hyrje të librit: “Dashuria, - ja se cili është mesazhi im. Le të jetë ajo edhe mesazhi juaj.
Dashuria është lulja dhe aura ime. Unë mendoj se dashuria është feja e vetme. Të gjitha të tjerat janë thjeshtë plehra, të gjitha të tjerat janë si të thuash, ëndërrimet e mendjes. Le të rritet brenda jush dashuria, atëherë Zoti do të rritet brenda jush vetvetiu. Duke lënë dashurinë të ikë, ju lini të ikë Zotin dhe gjithçka në botë.
Mos iu shmangni dashurisë. Kaloni përmes të gjithave, pa marrë parasysh dhimbjen. Dashuria të shkakton dhimbje, por nëse jeni i dashuruar, atëherë dashuria nuk do të thotë asgjë për ju.
Në të vërtetë, e gjithë kjo dhembje ju forcon më shumë. Ndonjëherë keni me të vërtetë dhembje, në mënyrë të pabesueshme keni dhembje, por të gjitha ato plagë janë të nevojshme që t’ju përforcojnë, t’ju sfidojnë, t’ju bëjnë më të vetëdijshëm. Të gjitha këto situata të rrezikshme janë të nevojshme që t’ju bëjnë më vigjilent. Dashuria përgatit terrenin, kurse terreni i dashurisë mund të rritet deri te fara e meditimit.
