Jeta dashurore dhe seksualiteti nga Sigmund Freud
Në rast se një mjek praktikant psikoanalist pyet veten, se për çfarë vuajtjesh i kërkohet më shpesh ndihmë, atëherë ai, pa marrë parasysh frikën shumëformëshe, duhet të përgjigjet: nga impotenca psikike.
Ky çrregullim i veçantë ka të bëjë me burra me ndjeshmëri shumë të lartë dhe shfaqet në faktin se organet ekzekutuese të seksualitetit nuk e kryejnë aktin seksual, megjithëse ato para dhe këtij akti duken si të shëndosha dhe të afta; megjithëse ekziston një prirje e fortë psikike për kryerjen e aktit. Udhëzimin e parë për kuptimin e gjendjes së tij i sëmuri e mëson vetë, kur fiton përvojën se një mosfunksionim i tillë shfaqet vetëm në orvatjen seksuale me persona të caktuar, ndërsa me persona të tjerë kjo gjë është një cilësi e objektit seksual, tek e cila ka burimin pengesa e potencës mashkullore, dhe nganjëherë thotë se ka ndjesinë e një poengese në brendësinë e tij, perceptimin e një kundërvullneti që e shkatërron me sukses qëllimin e vetëdijshëm. Por ai nuk mund ta marrë vesh se ç'është kjo pengesë e brendshme dhe cila cilësi e objektit seksual e bën atë të veprojë.