Libri “Një elefant elegant” i serisë “Luaj dhe shkruaj” është një përrallë me pengesa, krijuar enkas për fëmijët që sapo kanë mësuar të shkruajnë e të lexojnë (6-8 vjeç). Përralla është ndryshe nga të tjerat, se është e papërfunduar: pret që ti “Superheroi Shpëtues i Përrallës” t’i plotësosh shkronjat te fjalët e tekstit në faqet e djathta dhe më pas ta lexosh. Në fund mund të zbavitesh me lojërat zhdërvjelltësuese, si fjalëkryqet. Ilustrimet e Ledia Kostandinit janë fantastike dhe mund të të nxitin të krijosh edhe ti ca si ato.
